Translating:How to start/ia
Como initiar
- Crea un conto sur translatewiki.net
Pro comenciar, tu debe primo crear un conto de usator. Isto prende minus de un minuta e permitte traciar tu progressos.
Quando tu crea un conto, tu facera alcun traductiones de test pro assecurar que tu ha un comprension basic del linguas. Iste traductiones non es realmente publicate, ma se compara al traductiones anterior que usatores digne de fide ha facite, ante de dar te le derecto de traducer messages real. Isto significa que le messages que tu traduce essera usate in le proxime version del programma/sito!
Mantene te in contacto
Sur le pagina Support tu pote poner qualcunque question o proposition.
Le portal in le lingua de interfacie que tu ha seligite (p.ex. Portal:ia pro interlingua) es un loco central con information e statisticas de activitate sur le communitate linguistic. Iste es etiam le loco pro communicar con altere traductores del mesme lingua, discuter terminologia, etc.
Special:WebChat permitte connecter te a nostre canal IRC usante tu navigator del web. Adjuta additional sur IRC se trova sur m:IRC. In breve, tu pote discuter in tempore real con le disveloppatores e personal de translatewiki.net, si nos es active illac in ille momento.
Comencia a traducer
Post que tu ha recipite le permission de traducer, tu puncto de entrata essera probabilemente le instrumento de traduction que lista tote le gruppos de messages disponibile. Le major parte del traductiones se face con iste instrumento; vide le tutorial.
Consulta equalmente le pagina del projecto associate al software que tu traduce, perque illo poterea continer instructiones o indicationes importante. Le paginas de projecto es ligate in le curte summario monstrate in alto del interfacie de traduction.