Translating:How to start/inh
Сенна тӀара волале веза
- Аккаунт кхолла translatewiki.net сайта тӀа
Болх дӀаболабергболаш юххьанца хьона эшар — хьай аккаунт я. Аккаунт кхолларо минотал кӀезигагӀа ха дӀалоац. Ӏайха беча белха тӀахьожам а тохкам а бе эшаш я из аккаунт.
Аккаунт кхоллаш массехк тестови таржам де аргда хьога. Хьона метташ кӀезига мукъагӀа хой хьажар духьа да из. Болх беш дола таржамаш хургдац уж. Поалхаме доакъашхоша хьалхагӀа даь долча таржамашца вӀашидусташ таржамаш хургда уж, Ӏа таржам мел нийсду тохкаш, боккъонца бола хоама таржам де хьона бокъо дӀаялалехь. Вешта аьлча, Ӏа таржам дергдола хоамаш программан/сайта тӀадоагӀача кердадаккхаргахьа мара леладергдац!
Бувзаме хила
Support деча хьай хаттар дала а йиш я хьа, хьайна ховр дӀахьеха а йиш я.
Ӏа лелаеча интерфейса метта хьаькъехьа дола ков (портал) (масала, гӀалгӀай метта хьаькъехьа Portal:inh) — метта юкъарлено беча белхах лаьцача хоамага а, статистикаца долчох а хьажа йиш йола юкъера моттиг я. Цу меттаца болх беш болча кхыча таржамхошца кхамаьл де а (масала, терминологи ювца йиш йолаш) моттиг я из.
Special:WebChat яхачо могадайта веб-браузера гӀолла IRC-чатех дӀатоссавалийта. IRC хьаькъехьа кхы а гӀо лаха мегаргда m:IRC оагӀон тӀа. Лоацца аьлча, translatewiki.net кийчдархошцеи болхлошцеи юхь-духьал дувца йиш я хьа, цу хана чухьа тхо болх беш долга ха а ховш.
Таржам доладар
Таржам де хьона бокъо хьаенначул тӀехьагӀа хьо хьалхара чувалара/волавалара моттиг, хетаргахьа, таржама кечал яхача хургья. Цига Ӏодагаръяьй проекте тӀакхоачача мел йола хоамий тоабаш. ДукхагӀа мел дола таржамаш цу кечала гӀонца деш да. Цу хьаькъехьа Ӏаморгага хьажа йиш я.
Иштта, Ӏайха таржам дечун оагӀонга хьожаш хила, хӀана аьлча, лоадаме инструкцеши хьехамаши хила мег цига. ДукхагӀа йолча хана таржама интерфейса лакхахьа хул хьона из лоацца яздаь, фу таржам да а, сенах лаьца да а.