Introduction

Next step Como initiar

translatewiki.net

Introduction

Guida de uso

• Tutorial de traduction
• Como initiar

Vide etiam

• Directivas de localisation
• Traduction foras de linea
• FAQ
• Assistentia

Introduction

Le traduction e le localisation es importante in general, perque istes permitte le uso de software a personas non anglophone. Per exemplo, MediaWiki es usate pro render Wikipedia disponibile in multe linguas, dunque, le traduction directe de MediaWiki permitte a omnes acceder al cognoscentia libere in lor proprie lingua. Un explication ulterior del terminologia se trova in le documentation de Gettext e sur Wikipedia.

Hic, sur translatewiki.net, nos construe e continuemente meliora le infrastructura pro localisation facile de projectos open source e documentos scripte libere. Nos nos effortia pro le realisation de nostre duo objectivos.

Nostre prime objectivo es le efficientia. Pro render le projecto plus efficiente, nos lo integra ben in le processo de disveloppamento del software a fin de producer resultatos rapide. In addition, nos disveloppa instrumentos pro automatisar le integration del traductiones, lo que permitte concentrar le effortios del traductores a producer le optime traductiones possibile.

Nostre secunde objectivo es le collaboration. Tote le systema es construite sur un wiki. MediaWiki es un motor wiki popular que forni le structura pro construer communitates collaborative. Nos incoragia le traductores a assister se mutualmente, transversante le frontieras de projecto e de lingua in plure manieras, e nos facilita le communication inter disveloppatores e traductores.

Non es necessari saper programmar. Si tu es ja familiar con un altere sito wiki, tu apprendera rapidemente a usar translatewiki.net. Le sol requisitos es un bon maestria de linguas, un navigator del web e un mente aperte.

Le projecto principal de translatewiki.net, MediaWiki, es actualmente usate in plus de 300 linguas. Translatewiki.net recipe actualisationes in plus de 100 linguas cata mense.