Pandahuluan
| Next step | Cara ngamulai |
|---|
| translatewiki.net |
|---|
| Introduction |
| Getting started |
| Translation tutorial |
| How to start |
| See also |
| Localisation guidelines |
| Translating offline |
| FAQ |
| Support |
Pahonaan
Sacara umum, panerjemahan atawa palokalan joda da ponting, sampai jolma-jolma sai makka toduh bahasa Inggris pandai turuk makai parangkat lunak komputer. MediaWiki tipakai sabagai osai contoh untuk njalanko Wikipedia dilom bumacom-ragom bahasa, rik lahna panerjemahan MediaWiki sakaligus nulung lamon jolma untuk ngakses pangapandaian bebas dilom bahasa tiyan diwik. Liyak tentang istilah-istilah hasa lobih lanjut di dokumentasi Gettext rik di Wikipedia.
Dilom translatewiki.net sikam mbangun rik torus-torusan ningkatko infrastruktur sistem panerjemahan sai mudah bagi proyek-proyek busumber tibuka rik dokumen-dokumen bebas. Sikam buupaya koras untuk nyapai rua tujuan sikam.
Tujuan partama sikam joda da efisiensi. Untuk ningkatko efisiensi proses sina, sikam tiintegrasi sacara kuat rik proses pangombangan parangkat lunakna mari arus revisina matuh ribah. Sabagai tambahan, sikam ngombangko paralatan untuk ngaotomatisasiko proses integrasi tarjemahan. Rik sapona, kaunyin panerjemah bih porlu bukonsentrasi untuk nggawiko panerjemahan saholau-holauna mak porlu mikirko proses-proses barihna.
Tujuan keduo sikam joda da kolaborasi. Sistem hasa saponuhna tibangun tidasarko di sistem wiki. MediaWiki joda da samungkal parangkat lunak wiki populer sai nyadiako karangka untuk mbangun komunitas kolaborasi. Sikam njujungko kapara panerjemah untuk saling tulung sacara lintas proyek rik lintas bahasa dilom bumacom-ragom cara, rik butindak sabagai panandok antara kapara pangombang rik panerjemah.
Niku mak porlu pandai sanipa carana ngguwai program. Man Niku akrab makai parangkat lunak wiki, Niku bakal bulajar nyara gancang sanipa makai translatewiki.net. Parsyaratan sai tiporluko bih katoduh bahasa-bahasa sai holau, samungkal panjalajah web, rik pikiran sai tibuka.
Proyek utama jak translatewiki.net - MediaWiki - harak hasa tipakai dilom lobih jak 300 bahasa. Translatewiki.net narima revisi rik panganyaran panerjemahan dilom lobih jak 100 bahasa satiap bulanna.