Aleedung

This page is a translated version of the page Translating:Intro and the translation is 100% complete.

Nächst

Benotzerhandbuch

Kuckt och

Aféierung

Iwwersetzung a Lokalisatioun ass generell wichteg, well si et Leit déi keen Englesch kënnen, erlabe fir Computer-Software ze benotzen. MediaWiki gëtt zum Beispill gebraucht fir d'Wikipedia a ville Sproochen ze bedreiwen, an dofir hëlleft d'Iwwersetze vu MediaWiki ville Leit, Zougang zu fräiem Wëssen an hirer Sprooch ze kréien. Méi iwwer d'Konditioune fannt Dir op Text vun der Dokumentatioun kréien an op Wikipedia.

Hei op translatewiki.net bauen a verbessere mir stänneg d'Infrastruktur fir eng einfach Lokalisatioun vun Open-Source-Projeten a fräi geschriwwenen Dokumenter. Mir versichen, eis zwee Ziler z'erreechen.

Eist éischt Zil ass d'Effizienz. Fir d'Effizienz vum Prozess z'erhéijen, schaffe mir um Entwécklungsprozess vun der Software fir kuerz Turn-Around-Zäiten ze hunn. Des Weideren entwéckele mir Software fir d'Integratioun vun Iwwersetzungen z'automatiséieren. Dëst erlaabt et den eenzelen Iwwersetzer fir sech just op déi bescht méiglech Iwwersetzungen ze konzentréieren.

Eist zweet Zil ass d'Zesummenaarbecht. De ganze System ass op engem Wiki opgebaut. MediaWiki ass e populäre Moteur deen de Kader liwwert, fir kollaborativ Gemeinschaften z'erstellen. Mir encouragéieren d'Iwwersetzer fir een deem Aneren op verschidde Manéieren ze hëllefen, iwwer d'Grenze vun de Projeten an de Sproochen ewech, fir esou zu enger Zesummenaarbecht tëscht Entwéckler an Iwwersetzer bäizedroen.

Dir braucht net programméieren ze kënnen. Wann Dir mat der Wiki-Software zuwee kommt, da léiert Dir séier wéi een translatewiki.net benotzt. Déi eenzeg Ufuerderunge si gutt Kenntnisser vu Sproochen, e Web-Browser an en oppene Geescht.

De Referenzprojet op translatewiki.net – MediaWiki – gëtt aktuell a méi wéi 300 Sprooche benotzt. Translatewiki.net kritt all Mount Updaten a méi wéi 100 Sproochen.