Yyfierig

Nächster Schritt Wie mer aafangt

translatewiki.net

Yyfierig

Benutzerhandbuech

• Translation tutorial
• Wie mer aafangt

Lueg au

• Ibersetzigsrichtlinie
• Offline
• FAQ
• Hilf

Yyfierig

D Ibersetzig un Lokalisierig isch wichtig, wel si Lyt, wu kei Änglisch chenne, d Nutzig vu Computerprogramm erlaubt. Zum Byyschbel wird MediaWiki in vile verschidene Sprachversione vu dr Wikipedia brucht, un s Ibersetze vu MediaWiki hilft dr Mänsche uf frejs Wisse in ihre eigene Sproch zuezgryfe. Meh Informatione iber die Begriff git s uf Gettext documentation un dr Wikipedia.

Hie bi translatewiki.net lege mir d Infrastruktur fir e eifachi Ibersetzig vu MediaWiki aa un verbessere si allmeh. doderfir muesch nit programmiere chenne. Mir gän is Miei unseri zwei Ziil z erreiche.

Unser erscht Ziil isch Effiziänz. Go d Effiziänz vum Prozäss greßer mache, sin mir äng in dr dr Software-Entwickligs-Prozäss integriert fir churzi Wäg un schnälli Umlaufzyte. Zuesätzlig entwickle mir Wärchzyg fir e automatischi Integration vu Ibersetzige. Des entlaschtet d Ibersetzer un macht s ene megli sich uf di bescht meglige Ibersetzige z konzäntriere.

Unser zweit Ziil isch Zämmearbet. S gnaz Syschtem böut uf eme Wiki uf. MediaWiki isch e populäre Wiki-Motor, wu dr Rame fir kollaborativi Gmeinschafte z Verfiegig stellt. Mir rege d Ibersetzer aa enander z hälfe iber d Gränze vu Projäkt un Sproche in ere vilfältige Art un Wys, un mir wän dr Lyym syy zwische dr Entwickler un dr Ibersetzer.

Du muesch nit programmiere chenne. Wänn Du e chlai weng Erfahrig hesch mit ere Wiki-Software hesch, no lehrsch ganz schnäll wie translatewiki.net verwändet wird. S einzig, was du bruchsch, isch Sprochkänntnis, e Webbrowser und e wache Verstand.

S Flaggschiff vu translatewiki.net - MediaWiki - wird zur Zyt in 250 Sproche brucht. Uf translatewiki.net wäre in jedem Monet Tekscht in iber 100 Sproche gänderet.