Project:Yawá reçé

Translatewiki.net yepé sinimukanhẽẽgawa tawa açui yepé pitaçawaredá rituya (sinimukanhẽẽgawa nhẽẽga ikewara arã) software mukuaupawawara imutara çui açui yupinimaçawa pirariwá çui. Yawá uyupirũ'ana MediaWiki pitaçawaredá irũ. Açui ariré, yawá aite kuá umburipíri'ana MediaWiki muçaçawa pitaçawaredá upé, FreeCol çui açui amũ software mukuaupawawara imutara açui yupinimaçawa pirariwá. E-maã kamakaçawa sinimukanhẽẽgawa mumuekawaçawa tereçẽmu.

Translatewiki.net yepé mumuekawaçawa awianapura yupinimaçawa pirariwá çui. Sinimukanhẽẽgawa yũrepawa aé umeẽ'ana muçaçawa Usinimukanhẽẽga rupí MediaWiki çui. Kuá wiki urikú tẽnhẽ yupinimaçawa yuçaãgawara açui yepé yepé ruê'etá yawá umurú uikú murakiĩma. E-çarũ, ayãnã; tekô opaĩwara, panhẽ iwaçuçawa'etá tausó kurí tauyumuraki kutara mayé yamurú yamunhã yawá. Açui ĩdé remurú ywiri remupika yawiçawa'etá e-nheẽ yãdé irũ upé.

Mata upurú translatewiki.net

• Sinimukanhẽẽgawa murakimaé katú píri internet upé. Panhẽ pitaçawaredá mukuiriwara aĩtá taumunhã tauikú yepé interface puruçawa iwaçuĩma çui açui aikué puruçara'etá tauyukuawa taupitaçuka arã sinimukanhẽẽgara'etá. Umunhã yepé sinimukanhẽẽgawa ramẽ, ukaripuãmu mumunhãpurãgapíriçawa'etá uçẽdú arã mata upurari unheẽ açui puruçawa yepé nhẽẽgawa'eté çui uikú waá ukaripuãmu yepé sinimukanhẽẽgawa, açui aramẽ mayé imũgetaçawa'etá sinimukanhẽẽgawa mãduariçawa çui ã muraki'etá sinimukanhẽẽgawa irupĩtuwa çui.
• Ĩdé ti repuraĩ reikú yepé mira katupirawa upitimũ arã, panhẽ mira'etá tamurú taupitimũ yawá. Panhẽ mira'etá tamurú taupitimũ yepé nhẽẽga rupí (e-maã iwira) aĩtá xiariwara upitimũ arã nhẽẽga piçawaredá irũ.
• Uxipiá sinimuka'etá tẽnhẽ yawá iwaçuĩma. Pareçawa'etá sinimukanhẽẽgawaraĩma aĩtá ĩti anhũtú iwaçuĩma uwaçẽmu çui: Ruê'etá biũ çatari yupinimaçawa sinimuka'ana, sinimukanhẽẽgawa'etá taupukuso'ana aĩtá taumuçãgau'ana yepé waçẽmuçawa katú píri arã. Sinimukanhẽẽgara'etá aĩtá ĩti taupuraĩ taurasó kuriwara'etá uwaçẽmu arã mata uyupuraĩ umunhã.

E-pukuaré nesoftware mumuekawaçawa translatewiki.net upé ĩdé ti reikú raĩ ramẽ.

translatewiki.net rapé yupirũgawa

• Translatewiki.net upé sinimukanhẽẽgara'etá taumunhã interface sinimukanhẽẽgawa software çui, munhãgawara'etá arã pinimaça'etá rupí waá ãglawara nhẽẽga rupí aite kuá taumuyauka yupinimaçawa çui açui taumũgaturu'ana "pareçawa'etá" mirapura upé.
• Yepé mumuekawaçawa piçaçú uiké, çatari pareçawa'etá ãglawara nhẽẽga rupí aĩtá tausó taururi ukaripé çui ywiri açui panhẽ sinimukanhẽẽgawa'etá tauaikué waá ywiri. Pareçawa'etá piçaçú ã sinimuka'ana ãglawara nhẽẽga rupí aĩtá tausó taururi ukaripé çui siya ruê'etá ara rupí.
• Pareçawa'etá mukatiurupawa aĩtá tausó taumupinima po rupí açui yawá puruwara rupí urikú yepé muritirika katú píri açui waçú murũgetaçawa arã software developeretá mukuaupawara yupirũgawara ayurí irũ. Software urikú ramẽ mumaitepawa'etá ne çatari yupinimaçawa upé, aĩtá tausó kurí taumukameẽ ywiri sinimukanhẽẽgawa interface upé.
• Sinimukanhẽẽgara'etá taumurú taumunhã maitepawa'etá katupíriçawa çui ã pareçawa muçatãbikaçawa yupirũgawara ãglawara nhẽẽga rupí, ã pukuauçawa kuá pareçawa çui umutumú arã pitaçawaredá murakiçawa. Aĩtá taukaripuãmu ramẽ, sinimuka'etá taumurú taumburi'ana tauikú puruçara'etá translatewiki.net çui tausó developeretá ywiri mumuekawaçawa katupirawa çui, ã taumupika ayurí developer biũ arã.
• Sinimukanhẽẽgawa'etá nhẽẽga'etá biũ aĩtá tausó «taumburi'ana» translatewiki.net ayurí rupí, taumeẽ tauikú aĩtá mumuekawaçawa'etá arã nhaã nhẽẽga ukaripuãmu yepé papaçawawaçú sinimukanhẽẽgawa'etá çui ariré ipuawa yawá aite kuá uçurimũ'ana, uçurimũ'ana papaçawa rupí kuá mumuekawaçawa irũ. Mburiçawa papaçawa'etá açui nepuatika'etá ĩdé rewaçẽmu yawá i'mumuekawaçawa sowa upé.
• Sinimukanhẽẽgawa'etá taumburi'ana mumuekawaçawa biũ arã aĩtá tausó ariré taumburipíri'ana software yuçẽnaçawa upé, yepé munhãgawa rupí mumurikuawara açui umunhã'ana mumurikuaçara'etá kuá mumuekawaçawa çui, açui translatewiki.net ti rerikú muatiçawa yawá reçé.

Munhãgara çatãbika'etá açui mbeuçawa'etá tekôwara

TRANSLATEWIKI.NET TI UMEẼ NE YEPÉ MUPITAÇUKAÇAWA ÇEPIPAWA ÇUI

Çaramũ puruçawa sinimukanhẽẽgawa'etá çui translatewiki.net upé yawá umunhã'ana neaywaeteçawa yara. Uyupurari sinimukanhẽẽgawa'etá aĩtá purãga, mari translatewiki.net ti umurú umunhã yawá pisikatú çepiçawa çaramũ pupeçawa uwaçẽmu'ana iké rupí.

Translatewiki.net açui nemurupiawaçara'etá aĩtá ti taumeẽ ne yepé pitaçukaçawa nũgara pupeçawa reçé, tĩgawa, tĩgawaĩma ã tekôwara, umuati ikú. Mari, yawá ti ipuawawara ne yepé piriwaçawa ã muçatãbikaçawa çaramũ miterupí arã ã çaramũ yawiçawa mburiçawa pitaçukaçawa ne pupeçawa upé.

Sinimukanhẽẽgawa'etá taumunhã'ana sinimukanhẽẽgara'etá rupí aĩtá tauikú CC BY 3.0 mutarawa wiripe açui munhãgawa'etá uyuri aé çuiwara umurú uikú mutarawa kuaye ywiri wiripe mumuekawaçawa'etá imutara açui yupinimaçawa pirariwá aĩtá rupí sinimukanhẽẽgawa'etá aite kuá taumburipíri'ana yawá reçé ã tausó kurí taumburipíri raĩ. Puruçara sowa pupeçawa tamurú taunheẽwara "Panhẽ çatãbika'etá makuana" munhãgara rupí. Amũ pupeçawa'etá aĩtá tauikú CC BY 3.0 mutarawa wiripe. Nhũtu rupí, amũ munhãgara çatãbika usó unheẽ'ana tĩgawa rupí.

Marãduwapawa

Translatewiki.net uyupirũ'ana 2006 rupí mayé yepé Test Wiki, açui yawá umunhã'ana puruçara Niklas Laxström rupí pitimũgawa puruçara Gangleri çuiwara, mayé yepé muamũtetãmawara murakimaé MediaWiki pitaçawaredá arã. Nerera yupirũgawara BetaWiki, aramẽ yawá uyumunhã'ana translatewiki.net 2009 yupirũgawara rupí, ariré rituya mutirikaçawa mupitaçawa arã yepé miaçuawa yumũdiana arã yepé ikurẽdawa rera aé çui kuaye, Kauré Paĩpoyepewara 9, 2007 rupí. 2007 Kauré Paĩpowara rupí translatewiki.net upitimũwera pitaçawaredá arã 70 nhẽẽga'etá rupí çerãna, açui kuá papaçawa umuaçu'ana 329 arã 2010 Kauré Poyepewara rupí. Ĩdé remurú remaã yawá, nhẽẽga'etá papaçawa muaçuçawa sinimukanhẽẽgawa çupirakã kamakaçawa upé taumupika'ana MediaWiki arã. 2010 Kauré Yepewara rupí yawá upuraĩ'ana yepé muaçuçawa miaçuawa mutumupawa, umuikurẽdawa arã murakiçawa papaçawa. Netcup umupitá katuçawa rupí translatewiki.net 2007 Kauré Paĩpoyepewara çuiwara.

Mewé rupí, amũ software mumuekawaçawa'etá imutara açui yupinimaçawa pirariwá çui tausó taumburipíri'ana translatewiki.net upé, uyupirũ uikú FreeCol rupí 2007 Kauré Pomuçapiriwara upé. 2010 Kauré Poyepewara upé sinimukanhẽẽgawa mumuekawaçawa'etá papaçawa aite kuá umuaçu'ana 16 arã,2019 Kauré Paĩpowara upé, kuá papaçawa umuaçu'ana 46 arã.

Siya translatewiki.net sinimukanhẽẽgara'etá aĩtá simimutara'etá. Developeretá, mumurikuaçara'etá açui sinimukanhẽẽgara'etá aite kuá yupirũgawara rupí MediaWiki mumuekawaçawa'etá kamarara, Wikimedia çuiwara katumunhãgara rupí. Siya pitimũgara'etá ikewara tauyuri iké kití raĩ MediaWiki rupí. Mari, mumuekawaçawa'etá irũ píri usika arã kaçakiri rupí MediaWiki uxari'ana uikú pitimũgara'etá çatari nhũtu. 2010 Kauré Poyepewara upé, sinimukanhẽẽgara'etá papaçawa taumukatiuru'ana yawá aite kuá 1860. 2018 Kauré Poyepewara upé, sinimukanhẽẽgara'etá papaçawa taumukatiuru'ana umuaçu'ana 19000 arã.

Upitimũ uikú Stichting Open Progress irũ açui FUDforum, translatewiki.net umũgaturu'ana siya sinimukanhẽẽgawa'etá mukũgawa muriçawa'etá irũ tauyukuawa sinimukanhẽẽgara'etá çupé, umunhã katú píri arã MediaWiki pitaçawaredá açui FUDforum.

• 2008 upé ONG Tetãma'etá Yatuka çui Hivos uçurimũ'ana rikuyara pitimũgawa Stichting Open Progress rupí uyukuawa arã muriçawa sinimukanhẽẽgawa'etá rupí yepé kamakaçawa 70 açui 80 miterupe nhẽẽga'etá taunheẽ'ana Afrika, Asiya açui Amerika Latĩwara urikú waá yepé nhẽẽgara'etá papaçawa katú. Mari, tauikuwera taupuxara tauawianaĩma MediaWiki upé.
• 2008 mpawaçawa'etá aite kuá umunhã'ana yepé akayú mpawaçawa mukũgawa sinimukanhẽẽgawa pirariwá panhẽ sinimukanhẽẽgara'etá çupé.
• 2009 Kauré Pomuçapiriwara rupí amũ yepé sinimukanhẽẽgawa mukũgawa aite kuá mũgaturu'ana, murikuyara'ana Wikimedia Tetãma'etá Yatuka rupí, Dutch Wikimedia mbueçawa.
• Wikimedia Tetãma'etá Yutuka upitimũ'ana rikuyara irũ ywiri 2009 akayú mpawa mukũgawa.

Translatewiki.net mupikapawa'etá aĩtá taunheẽ'ana Yupirũgawa upé. Mupiçaçupawa'etá upitimũ arã sinimukanhẽẽgara'etá aĩtá taunheẽ'ana sowa Tecnologia upé. Kuá mupiçaçupawa'etá aĩtá taumuçaĩ tẽnhẽ açui taumukatupíri'ana yepé rapé umunhã sinimukanhẽẽgawa murakiçawa katú píri mayé yãdé yamurú yamunhã yawá umereçé. Puraĩgawara kuiriwara açui rituya munhãgawa aĩtá tauikú taunheẽ'ana Phabricator upé.

Rikuyara pitimũgawa

• Translatewiki.net katuçawa rupí mupitawara Netcup – webspace açui vServer rupí, nerikuyara tenhé 2007 Kauré Paĩpoyepé çuiwara, mukuiriwaraçawa'etá irũ 2008 Kauré Mukũiwara rupí, 2010 Kauré Yepewara, 2013 Kauré Paĩpowara, 2015 Kauré Pumukũiwara açui 2019 Kauré Paĩpomukũiwara.
• Stichting Open Progress açui amũ'etá taumũgaturu'ana ara rupí ara rupí rikuyara pitimũgawa sinimukanhẽẽgawa mukũgawa arã maãgawa rupí umukatú çui MediaWiki pitaçawaredá açui amũ mumuekawaçawa'etá, mayé unheẽ'ana tenũdé.
• 2012 upé Wikimedia Fundation nhẽẽga mira ayurí umuraki'ana yepé mumuekawaçawa upé uyuçenũi'ana Translation UX, yawá rupí translatewiki.net sowa yupirũgawara açui yãné sinimukanhẽẽgawa interface aite kuá tausinimuka'ana yepé murãgawaçawa rupí mukuiriwara'ana açui murakiçara, açui yuçenaçawa'etá tauyuçaãgawara puruçara'etá rupí.
• Niklas Laxström açui Siebrand Mazeland taumuraki, ã taumuraki'ana akuerã, Wikimedia munhãgawa açui taupitimũ translatewiki.net upé pukuça'etá imutara rupí.

Mira'etá translatewiki.net rakakuera

Mira ayurí yupirũgawara

Ayurí yupirũgawara mpauraçara'etá aĩtá taumuatiana ara biũ çerãna translatewiki.net murakiçawa upé. Aĩtá taumunhã maã'etá tauyana iwaçuçawa xĩga aramẽ mayé yãdé yamurú yamunhã yawá. Kuauçawa'etá píri, ayãnã, e-maã puruçara'etá biũ sowa.

Yãdé yameẽ yãné Kuekatú Reté kuá mira'etá çupé nepitimũgawa'etá katupirawa rupí.

Niklas Laxström

Munhãgara'eté, panhẽ muraki'etá nũgara

Siebrand Mazeland

Tawa mumurikuaçara, mumuekawaçawa imũgetaçara, developer

Raimond Spekking

Sinimukanhẽẽgawa munhãgawa MediaWiki arã, developer

Yãdé yapuraĩ ywiri murakiçawa amũ mpauraçara'etá yãné tawa çui:

• Gangleri – Maãgara yupirũguara. Ti umpaurá kuá mumuekawaçawa kuiriwara.
• GerardM – Mainãgara, ADS upurú uikú nheẽ aparaĩma, blog, StatusNet, Twitter. Aĩtá tauikú ĩti yukuawa kuiriwara.
• Panhẽ unheẽ irũ mumuekawaçawa'etá mirapura rupí
• Panhẽ sinimukanhẽẽgara'etá açui amũ mpauraçara'etá kuá mumuekawaçawa çui

E-nheẽ yãdé irũ

Ĩdé remurú remeẽ yepé pareçawa yãdé çupé yãné murũgetaçawa yupirũgawa Support upé. Ĩdé repurari ramẽ renheẽ yãdé irũ yepé live rupí e-maã yãné miterupeçawa IRC #translatewiki Libera.Chat rupí. Yawá kuaye ĩti uyupurariwara, ĩdé repuraĩ ramẽ remunhã yawá nhaãçé pisikaçawa ã mirapuraçawa purãduçawa'etá, ĩdé remurú repurú yãné email translatewiki@translatewiki.net

• Ĩdé remurú renheẽ yepé nhẽẽga reçé ã upurãdú yawá reçé sinimukanhẽẽgara'etá kuá nhẽẽga çui murũgetaçawa sowa upé nhẽẽga yãdé yanheẽ yaikú reçé ukenapawa.
• Ĩdé remurú renheẽ maã'etá yepé mumuekawaçawa reçé nemuatiana'etá irũ açui link developer mumuekawaçawa murũgetaçawa sowa upé.
• Ĩdé remurú renheẽ yepé puruçara aparaĩma rupí nemurũgetaçawa sowa upé, ã email rupí (e-kamirika email link rupí parí çuaxara rupí puruçara sowa upé), yawá aĩtá taumeẽ'ana email murũgetaçawa purawakaçawa ramẽ.