Translating:Lib.reviews/FAQ/io

Pro quo lib.reviews?

Ni kredas ke la informi quin ni uzas por decidar ― pri quala libro lektar, ube restar, o quala produto komprar ― esos plu bona se ni organizos ol klare, uzanta apertita komunitato. Nia principi esas la sama kam Wikipedio e OpenStreetMap: apertita kodexo di programi, libera autoroyuro e gratuiteso di omna kontenajo.

To permisas ni kunlaborar kun ca projeto ed altri existanta, por kolektar ed organizar metadata libera pri labori, produkturi, ed altra kozi.

Quale vu asekuras la qualeso di la revizi?

Camomente, ni pregas ke omna uzeri demandez permiso ante enrejistrar su. To facesas por kontrolar la kresko, e savar quin sendas uzeri a nia ret-situo, do ni povos kreskar mantenanta bona qualeso, e preventar spam.

Pos kelka tempo, ni ja havas kelka idei pri quale mantenar/augmentar la qualeso di la laboroː

• La formo por uzeri qui partigas intereso pri kunlaborar esas krear grupi. Vu povas decidar sequar nur revizuri facita da specifika grupo. To kreos sorto di "qualeso-filtrilo", nam singla grupo havas sua specifika reguli pri quale partoprenar.
• Ni povas krear votadi pri suportar/rejektar, manieri por saliar l'uzeri quin vu fidas, algoritmi klara por facar la puntizo, o diskuto-utensili qui posibligos identifikar la maxim bona revizi por certena temi.
• Ni povas invitar kunlaboradi kun grupi ed individui qui havas konoco pri quale aplikar expertizo en certena arei (exemple: rezumi pri automobili).

Ka vu havas irga ideo? Pro quo ne partigar ol uzanta nia diskuto per IRC (#lib.reviews che irc.freenode.net), od uzanta nia e-postala listo?

Quale vu deskovrus o preventus revizi pagita da ulu?

Ne existas maniero por grantar ke ula uzero ne recevis irga formo di pago, por ula revizo quan lu skribis che Interreto. Pro ca motivo, ni ne proskriptas li, ma atencez ke inquesti montras ke mem mikra 'premii' o pagadi tendencas influar la rezulto di revizi. Ni ne permisas su-promocado, e ni demandas ke uzeri revelez intereso-konflikti klare en lia recenso. To signifikas ke vu mustos indikar quala formo di kompenso vu expektas recevar, o ja recevis (inkluzite exempleri di produkturi). Ne esas aceptebla ke uzeri skribez recensi, kande l'opiniono dil recensero ja determinesis da altru qua ofris pago, e ni blokusos uzeri qui violacos to.

Ordinare, ni deziras krear komunitato en qua uzeri povas konocar l'unu l'altru, renkontrar personale l'unu l'altru, ed organizar su por deskovrar problemi pri qualeso. Quale mencionita ante, teknologio esas parto de la solvo, tamen diskuto e politiko ank esas importanta. Ni stimulas vu a partoprenar la listo di nia komunitato por helpar ni pensar pri ca temi.

Quale me povas krear versiono di lib.reviews en mea idiomo?

Ni uzas [https://translatewiki.net/> translatewiki.net kom platformo por traduko dil interfacio*. Translatewiki.net evolucionis samatempe kam Wikipedia, por suportar la tradukuro, en multa idiomi, dil interfacio* di Wikipedia e lua fratala projeti. E nun ol ank uzesas da altra projeti open source. La propra platformo esas komplete libera de autoroyuro (open source).

Vu povas vidar la progreso en diferanta versoni di idiomi hike. Se vu eniris recente che translatewiki.net, pos ke vu facos log in, ol pregos ke vu facos 20 exempli pri tradukuri. To esas sorto di probo "montrez ke vu savas quon vu facas"; ordinare on spensas 10 minuti respondanta ol. Pos ke vua konto aprobesos, vizitez ca pagino, e selektez en la supra dextra listo l'idiomo a quon vu tradukos.

Tradukuri ad idiomi kapabligesas poka dii pos ke li kompleteskas per 100%. Aktualigi ordinare sinkronigesar dufoye po semano.

Pagini quale ca anke mantenesas e tradukesas per TranslateWiki.net, videz en ca pagino por plusa informo.

Pro quo la kodexo CC-0 uzesas, vice altra ordinara licenco libera de autoroyuro?

CC-0 esas legale la maxim sekura formo por sendar irga materio (texto, imajo, kodexo, od altri) en publika domeno, posibliganta exameno sub internaciona legaro. Pro ke ni ne deziras igar legala disputi kontre irgu pro agadi uzanta licenco lib.reviews, ni inferis ke la plu saja agado esus uzar licenco qua posibligus riuzanti uzar ol kun minima problemi. Do, savez ke la kodexo di lib.reviews dependas de nedependanta biblioteki de altri, qui uzas licenci kun diferanta permiso-gradi.

Quale lib.reviews mantenas su? Kad existas projeto por subvencionar ol?

Dume, omna individui qui laboras che lib.reviews esas volontarii qui laboras sen pago en la projeto, dum lia libera tempo. Se e kande ni sentos ke la projeto esas suficante matura ed utila, esanta justa demandar pri publika suporto, ni certe kreos ligili por recevar donaci, ed establisos legala formi pri quale rabatar ca donaci del imposti pagenda.

Se vu deziras donar granda suporto a la projeto ante (savanta ke ol sempre esos senprofita e sen anunci), kontaktez la kreinto di la projeto, Erik Moeller, per e-posto eloquencegmail.com.

Qual esas la relato inter lib.reviews e freeyourstuff.cc?

freeyourstuff.cc esas aplikilo developita da Erik Moeller uzebla che retnavigili, qua posibligas vu exportacar revizuri ed altra kontributadi quan vu facis che privata reto-domeni, exemple IMDB ed Yelp. Ultre to, vu povas liberigar ca kontributadi sub libera licenco, che ret-situo freeyourstuff.cc, do permisanta ke altri uzez ol. Fine, ni deziras faciligar l'importo di kontributadi a lib.reviews kun la helpo di aplikilo, ma ankore ne existas direta interfacio* inter la du projeti.