Manylion uwchlwytho lluniau
Helo. Dwi wedi bod yn meddwl am sut mae osgoi pobl yn uwchlwytho delweddi/ffeiliau i cy ac anwybyddu cynnwys manylion y ffeil. Fel y gwyddem, mae hyn yn annerbyniol a gall dorri hawlfraint Wicipedia. Felly, dwi wedi bod yn chwilio am sut mae cael rhyw fath o ddewin uwchlwytho fel sydd gan de fan hyn, lle gwelir ein nodyn Gwybodaeth. A oes modd cael y wybodaeth yn y blwch yn barod?!
Pan driais i wneud dewin tebyg i'r un ar y wici Almaeneg rhai blynyddoedd yn ôl fe fethais ddeall sut mae cael y testun wici i ymddangos yn y blwch. Roedd y dechnoleg i wneud hynny yn weddol o newydd ar y pryd ac roeddwn yn amau nad oedd modd ei wneud ar y Wicipedia Cymraeg y pryd hynny (mae technoleg newydd yn cyrraedd y wicis mawrion ynghynt na'r rhai bychain).
Gan fod modd uwchlwytho lluniau nad ydynt yn gwbl rhydd ar Wicipedia, yn ôl ein polisi, bydd angen llinell ychwanegol arnom yn y blwch yn rhoi cyfiawnhad dros lwytho llun nag ydyw'n gwbl rhydd. Neu fe allem wneud yr un peth a'r Wikipedia Saesneg sy'n neidio i dudalen arall i drafod y cyfiawnhad. Ond methais ddeall sut mae gwneud y naid honno chwaith!
Wyt ti wedi deall sut mae cael y system uwchlwytho i weithio fel yr un Almaeneg?
Fe wnaf olygu'r nodyn "Gwybodaeth" yr wyt wedi ysgrifennu, rhywbryd wythnos nesaf neu'r wythnos wedyn - ni fyddaf adref am beth o wythnos nesaf.
Wel, dwi wedi gadael neges ar de fan hyn, ac mae rhywun wedi awgrymu inni ofyn am gymorth yn Bugzilla. Dwi wedi chwilio am y trywydd cysylltiedig yn de, ond methu ffeindio sut mae gwneud fe...
Gobeithio y gallwn ni ddatrys y peth yn fuan - mae'n heb bryd inni dynhau ein polisïau uwchlwytho ar cy, na chytunet?
Wrth edrych ar god y dudalen uwchlwytho ffeiliau Almaeneg (gweler uchod), dwi wedi dod o hyd i ddau ddarn o god, sef wpUploadDescription a mw-htmlform-description, ond dwi ddim yn gallu eu ffeindio yn y teclyn cyfieithu! Ond dwi'n credu mai nhw yw'r codau i gyfieithu!
Rwyn credu y dylet ti allu holi am gymorth gyda pethau technegol fel hyn gan y "Small Wiki Monitoring Team". Neu gallet fynd i Chatzilla a siarad ar y pryd gyda rhai o'r datblygwyr.
Unwaith bod ffurflen uwchlwytho pwrpasol gennym yna fe fydd llawer yn haws gweithredu'r polisi.
Os ei di i'r rhestr negeseuon ar de fe weli di'r neges uploadtext wedi ei restri, a'r cynnwys yw {{MediaWikiUploadtext/real|$1}}. Os bwysi di ar "Uploadtext" fe ei di at MediaWiki:Uploadtext ond os bwysi di ar "Diskussion" fe ei di at dudalen sgwrs MediaWiki:Uploadtext/real. Dwi ddim yn gwybod beth yw'r gwahaniaeth rhwng y ddwy dudalen, ond mae'n ymddangos bod angen defnyddio'r is-dudalen /real i gael y peth i weithio.
Mae'n bosib mai gadael neges ar Bugzilla fydd raid, os oes rhyw estyniad angen ei osod yma cyn i na allu cael y dewin i weithio'n debyg i'r un ar de.
Helo. Ti sy'n iawn wrth ddod o'i hyd, ac felly dwi wedi gadael neges ar Bugzilla fan hyn. Gobeithio rydym yn datrys hyn yn fuan - dim ond angen edrych ar y categori hwn i weld maint y problem - a hynny ers mis Ebrill cynnar dwi'n credu! Duw a wyr faint o ddelweddi/ffeiliau eraill sydd heb fanylion!
Mae hi wedi'i datrys! Cer i Arbennig:Upload i weld! OK, os wyt ti eisiau newid pethau, y ffeiliau perthnasol ydy MediaWici:Uploadtext sy'n dangos y testun efo baneri oren a glas ayyb, a MediaWici:Onlyifuploading.js, sy'n dangos y paramedrau. Eto, mae'r holl wybodaeth (yn Saesneg yn anffodus) yma ar Bugzilla.