Portal talk:Tok

This discussion page previously used LiquidThreads. You can see and continue those discussions on the LiquidThreads archive page (all archives).

About "translation"

This is a discussion about the term "translation". Please enable the terminology gadget to see the status in this box.

This is an open discussion about the term:
translation

[ edit | mark as resolved ]

It seems like "toki" is used for translation in some places and "ante toki" in others. For example, MediaWiki:Bw-sidebar-changes-lang "ante toki lon toki pona" versus MediaWiki:Tux-editor-save-button-label -> "o pana e toki". Thoughts appreciated, 20kdc (talk) 14:08, 1 July 2023 (UTC)

closing this discussion, because both of these are correct in certain contexts. Juwan (talk) 09:10, 16 November 2024 (UTC)

pona ante

lipu "Translating:MediaWiki/Basic glossary/tok" la mi pana e nimi ali. mute la ni li kama tan kepeken. mi alasa pana e sona ni: nimi mute li ken pona lon kon ante. kin kon wan la mi o kepeken nimi suli. kon ante la mi ken kepeken nimi lili sama ni: nimi "lipu sona" en nimi "lipu" li pona lon kon ante. taso o pona e ante toki ni. o toki lon pilin sina.

tenpo mute la ante toki o sama nimi pi lipu "Basic glossary". nasin Discord la mi toki tawa jan mute lon pona nimi. taso toki ni o lon lipu ni. jan ante o ken sona e pilin pi mi ali. open la mi ale o lawa e ni: nimi seme li pona? tawa mi la ni li nasin pona:

• nimi li lon pu, la ona li pona.
• nimi li suli (suli "core" anu suli "common" kepeken toki Inli) tawa lipu Linku, la ona li pona. taso nimi pu en nimi pi pu ala li ken, la o kepeken nimi pu. taso ken la mi wile e nimi pi pu ala tan ni: nimi pu li toki e ijo ante lon nasin MesijaWiki. (ijo "template" la nimi "ilo" li pona. taso ijo "Special page" la mi kepeken nimi ni. tan ni la nimi "kipisi" li pona.)
• kon nimi li lon lipu Linku, la ona li pona. taso open ku li toki ike lon kon sama kon soweli pi nimi "mani", la ken la o kepeken ala.

kin mi o toki e nasin pi toki ante. lipu Wikipesija la jan o ken kepeken nasin pona ale. taso nasin MesijaWiki li pali wan, o kepeken nasin wan. mi Tansin li lawa ala e ni. taso ante toki pini la mi lukin e nasin ni:

• toki "I la J"; toki "I li/o J la, K"
• nimi "ale"; nimi "ali" ala
• nimi "lukin"; nimi "oko" ala
• nimi "a" en nimi "kin" li ante kon
• nimi "sin" en nimi "namako" li ante kon
• o kepeken ala nimi "pi" tu lon poka
• o alasa kepeken ala nimi "la" tu lon poka
• ijo pi sona ala la nimi li ken, la o ante e sinpin ona sama toki jan "$1" anu toki jan ''$1''. ante la jan li sona ala e ni: seme la nimi li pini?
• nanpa li kama tan ijo pi sona ala, la ona li ken sitelen nanpa sama toki lipu $1 li lon. taso sina sitelen e nanpa, la o kepeken nimi "wan" kepeken nimi "tu".
• sitelen : li lon pini toki, la kepeken nimi "ni" la o toki e ijo suli sama toki lipu $1 ni li lon:

mi sona ala e ni:

• toki "I li J" anu toki "I li J." la seme li pona? (nasin MesijaWiki pi toki Inli kin li sona ala.)
• sitelen : li pana e ijo, la ijo li ken ala ken jo ala e nimi open sama toki nimi IP sina li ni: $1
• tenpo seme la nimi pi toki ante o kepeken kalama pona sama "lipu Wikipesija"? tenpo seme la ona o kepeken toki tan sama "toki nanpa JavaScript"?

@.hecko o, @Generalissima o, @Juwan o, @LaPingvino o, @LesVisages o, @Ookap o, @Robin van der Vliet o, @SpanishSnake o, @Spenĉjo o, @Tbodt o, sina seme pilin? -- Tamzin^{[cetacean needed]} (they|xe) 20:19, 15 November 2024 (UTC)

pilin sina li nasin pona tawa mi. (ni li ken tan ni: ante toki ni la pali mute li tan mi.)

ijo pi sona ala la pilin mi )

• pini toki la sitelen "." la, mi ken sama ona pi toki Inli. ni li suli ala.
• sitelen ":" li pana e ijo kama la...ijo li ken ale, anu seme! mi lon ma la mi ken ni: mi toki "kasi li suli ni:" li sitelen e suli kasi kepeken luka. sitelen toki la sama, ijo kama li ken ijo pi toki pona ala, li wile ala e nimi pi toki pona lon open ona. lon la toki sina "nimi IP sina li ni" la nimi "nimi IP" taso li wile lon tawa sona.
• nimi seme o kalama pi toki pona? mi o sama ni: jan pi toki pona li toki e ijo ni la ona li kepeken nimi seme? (taso, jan ala li toki e ijo ni la...mi sona ala. ale la o alasa e nimi ni: jan mute li ken sona. ken la ni li wile e ni: o kepeken ala nimi pi toki ante, o toki e ijo!)

Tbodt (talk) 05:17, 16 November 2024 (UTC)

suli la nasin sina li pona a tawa mi! taso la ijo wan li nasa: seme la mi "o alasa kepeken ala nimi "la" tu lon poka"? mi toki pona lon ma lon ilo kin la mi kepeken nimi "la" mute lon toki wan lon tenpo. pilin mi la kepeken pona la ni li nasa ala e sona.

ijo pi sona sina ala la pilin li lon mi. ona nanpa wan la...mi la ijo li lon pini ale toki la o kepeken ala sitelen ".". toki pona la lon la sitelen ni li tu e toki tu li ni taso. ni la, toki I li J li pona. taso toki I li J. I li J la mi la sitelen o lon...? suli ala. pana pi sitelen ":" la pilin mi li sama ale tawa ni pi jan Tepo. kalama la mi sona ala e pilin mi.

ijo ante wan pi suli mute ala la sitelen @ li ken sama a nimi "o" anu seme a? mi la toki @Tamzin li sama toki Tamzin o. ken la lipu sin pi toki pona la nasin {{re}} o pana ala e sitelen nasa @ o pana e nimi o taso lon pini. Ookap (talk) 17:49, 1 December 2024 (UTC)

kulupu Wikimesija la nimi lipu

mi wile ante e nimi lipu tan kulupu Wikimesija. ni la mi open e toki tawa ni: nimi o seme? mi la nasin tu li lon. mi pana e wile mi tawa nasin tu:

nasin #1: mi toki pona e kalama

• Wikipedia – Wikipesija
• Wiktionary – Wikisonawi
• Wikibooks – Wikipu
• Wikiquote – Wikikoto
• Wikivoyage – Wikiwajasa / Wikiwajasi
• Wikisource – Wikisoso / Wikisosi
• Wikimedia Commons – Komon
• Wikispecies – Wikipisi
• Wikinews – Wikinu
• Wikiversity – Wikiwesisi
• Wikidata – Wikitata
• Wikifunctions – Wikipanson

nasin ni li ken ike suli tawa jan. ni li pana e sona ni: lipu ni li seme? nimi "Wikipesija" en nimi "Komon" li nasa sama ni: jan mute li toki e ona. ni la nimi li ken awen tan kalama.

nasin #2: mi toki pona e nimi

• Wikipedia – Wikipesija
• Wiktionary – Wikinimi / Wikiku
• Wikibooks – Wikilipu
• Wikiquote – Wikitoki
• Wikivoyage – Wikijalasa / Wikitawa
• Wikisource – Wikimama / Wikitan
• Wikimedia Commons – Wikisitelen / Wikimedia pi ijo sitelen
• Wikispecies – Wikisoweli
• Wikinews – Wikisin
• Wikiversity – Wikijesun / Wikikamasona
• Wikidata – Wikinanpa / Wikisona
• Wikifunctions – Wikiwilo

nasin ni li pona wawa. mi pana e nimi mute tawa lipu tawa ni: nimi seme li pona tawa jan?

ante la mi wile sona e ni: lipu li pana e sona ilo tawa lipu ante pi kulupu Wikimesija la nimi ona o seme? mi pana e wile mi tawa ona. wile mi la nimi li ken tan kalama li ken tan nimi.

• MediaWiki – Mesijawiki
• Meta-Wiki – Metawiki
• Phabricator – Papikato
• Wikimania – Wikimanija
• Wikimedia Cloud Services – Wikimesija pi ilo pali
• Wikimedia Enterprise – Wikimesija pi esun nanpa
• Wikimedia Incubator – Wikimesija pi lipu sin
• Wikitech – Wikipesija pi sona ilo

Juwan (talk) 12:33, 28 November 2024 (UTC)